Wigati kagem kita tiyang enom
Jawa kedah nguri-uri budhayaning Jawa. Amargi, menawi kita mboten gadhah raos
kagungan banjur mboten maleh anggagas basa Jawa, sak lampahing wekdal mesti
bakal kagerus lan sonya. Napa malih, basa Jawa sakmenika sampun keraos tebih
saking pagesangan masyarakat Jawa piyambak. Tuladhanipun, kathah tiyang sepuh
ingkang milih migunakake basa Indonesia kagem basa padinan, nanging mboten
diwiwiti saking pangenalan basa Jawa.
Kula
piyambak sakniki ugi ngeraos tebih saking basa Jawa amargi kedhah ngajar ing
tanah seberang, ing tanah Flores. Wonten mriki, kula ugi nyinaoni basa daerah
Lio sahingga basa jawa dados jarang digunakake. Ugi, mboten wonten lawan wicara
ingkang sesrawungan ngagem basa Jawa ing pacelathon padinan. Sampun enem sasi
kula tebih saking tanah jawa. Kula ngeraos tebih ugi kangen kahanan, kanca lan kaluwarga ing
Jawa. Menawi raos kangen menika mbuncah bubrah wonten manah, sakedik-sakedik
kula nyinaoni malih basa jawa, lan budhaya Jawa. Kulo piyambak remen nembang,
wonten mriki kula ugi sinau tembang Lio. Nanging kulo ugi mboten purun ngantos
lali lan ninggalke gita Jawa.
Sakmenika kula anggit salah
sakwijining tembang Macapat Jawa, yaiku sekar Gambuh.
Gesang bebrayan
jumbuh
Kalawan kanca aja
dadi musuh
Tan srawungan nulya
becik atur budi
Aja lali
aja ragu
Ning donya nana wong
bodho
Sekar gambuh kaanggit dening Nia
Martiana
Detukeli, 5 April 2013
Tidak ada komentar:
Posting Komentar